Wilson15

PAGBABAGO

Sa magdaang taon nitong aking buhay
Pgkalinga ng Diyos natanggap kong tunay
Sa dami ng aking mga kasalanan
Ako'y pinatawad, hindi hinatulan.

Sa panahong halos hindi ko na makaya
Ang aking pag-asa'y halos mapanaw na
Pagkat ako'y tunay na nabibigatan
Sa mga tiising aking pinapasan.

Maging karamdaman sa aki'y dumalaw
At ang aking buhay, muntik nang pumanaw
Akala ko noo'y di malulunasan
Lahat ng tiisin at kaligaligan.

Totoo, ako noo'y tigib ng hirap
Gumuho na rin maging mga pangarap
Di maaninag kaunting kapalaran
Malinaw sa paningin ang kasawian.

Sa pagsambitla ko ng aking dalangin
Upang sa panginoon aking hilingin
Na tulungan Niya ako sa aking pasan
Manatili sa kanyang kanlungan.

Totoo na ang Diyos ay mabuti
Patuloy parin akong kinakandili
Ako ay hindi niya pinababayaan
Lagi parin akong inaalalayan.

Kaya aking pangako mula ngayon
Sa paglilingkod buhay ko'y itutuon
Habang may hininga, sa Diyos ilalaan
Ako'y maglilingkod haggang kamatayan.